ورزش کا بھر پور فائدہ اٹھانے کےلئے مفید مشورے

ورزش کا بھر پور فائدہ اٹھانے کےلئے مفید مشورے

 جسم کو مضبوط اور خوبصورت بنانے کے لئے نوجوانوں کی طرف سے جم جانے کا رجحان بہت زیادہ زور پکڑتا جا رہا ہے اور اس مقصد کے حصول میں سب سے اہم کردار خوراک نے ادا کرنا ہوتا ہے، لیکن جمنازیم جانے والے اکثر افراد اس معاملہ میں آگاہی کی کمی کا شکار ہوتے ہیں۔ باڈی بلڈنگ، ویٹ لفٹنگ، تیراکی، جاگنگ اور بائیکنگ کے دوران انسانی جسم کاربوہائیڈریٹس کو بطور ایندھن استعمال کرتا ہے اور جیسے ہی ورزش یا سخت کام کے دورانیہ میں اضافہ ہوتا ہے تو جسم فیٹس کو خارج کرنا شروع کر دیتا ہے، تو یوں بھاری مشقت کے لئے سب سے زیادہ ضرورت کاربوہائیڈریٹس کی ہوتی ہے۔ تو یہاں ہم آپ کو بتائیں گے کہ بہت زیادہ مشقت یا ورزش سے پہلے، درمیان اور بعد میں آپ کو کیا کھانا یا پینا چاہیے۔

سخت ورزش سے قبل:

جب آپ سخت مشقت کر رہے ہوں، تو سب سے زیادہ ضرورت کاربوہائیڈریٹس سے بھرپور غذا کی ہوتی ہے۔ چاول، روٹی، پاستا، پھل اور سبزیاں کاربوہائیڈریٹس یعنی نشاستہ دار غذائیں ہیں، لہذا ان کا کثرت سے استعمال کیا جائے۔ سخت مشقت سے 30یا60منٹ قبل ہاضمے دار گوشت کھائیں۔ ورزش کے دوران خون میں شوگر کی سطح کم ہو جاتی ہے، لہذا ورزش سے قبل کچھ میٹھا ضرور استعمال کریں۔ جسم کو آبیدہ ضرور رکھیں، کیوں کہ دوران ورزش جسم میں پانی کی کمی ہو جاتی ہے، لہذا ورزش سے ایک گھنٹہ قبل زیادہ مقدار (تقریباً 20اونس) میں پانی پیئں۔

دوران وزرش: بھاری کام یا سخت ورزش کے دوران ہر 15سے 30منٹ کے بعد تین سے چھ اونس پانی پیئں۔ گھنٹوں پر مشتمل ورزش کے لئے ضروری ہے کہ جسم میں توانائی کی سطح برقرار رہے تو اس ضمن میں سپورٹس ڈرنکس بہترین کردار ادا کر سکتے ہیں۔

ورزش کے بعد: بھاری مشقت یا ورزش کے فوری بعد نشاستہ سے بھرپور سنیکس استعمال کریں تاکہ پٹھوں میں گلائی کوجن (پٹھوں کا ضروری جزو) کی سطح بحال ہو سکے۔ ٹریننگ کے ایک گھنٹے بعد پروٹین سے بھرپور غذائیں سیر ہو کر کھائیں۔ جسمانی آبیدگی کو کبھی بھی نظر انداز مت کریں، ورزش کے بعد پانی کا زیادہ سے زیادہ استعمال کریں۔

Daily pakistan - بشکریہ ڈیلی پاکستان

Make money online
آن لائن پیسے کمانے کمانے کا آسان طریقہ

یہاں کلک کریں

مردانہ کمزوری کی 10وجوہات جو آپ کو معلوم نہیں

مردانہ کمزوری کی 10وجوہات جو آپ کو معلوم نہیں

 قدرت نے نسل انسان کی بقاءکے لئے جنسی عمل کا ذریعہ پیدا کیا ہے جس کی انجام دہی کے لئے ضروری ہے کہ مرد وہ مخصوص تناﺅ

کی صلاحیت رکھتا ہو جسے ایستادگی کا نام بھی دیا جاتا ہے۔ایستادگی کے بغیر جنسی عمل کی انجام دہی ممکن نہیں اور اسے عرف عام میں نامردی کہا جاتاہے ۔ اس کی متعدد وجوہات ہو سکتی ہیں جن میں سے کئی ایسی بھی ہیں کہ جنہیں آپ احتیاط کا دامن تھام کر اپنی زندگی سے دور رکھ سکتے ہیں۔ان کا احوال درج ذیل ہے۔

۔ سگریٹ نوشی: ہر قسم کے نشے سے دل کی1
 صحت متاثر ہوتی ہے اور اس میں سگریٹ بھی شامل ہے ۔ جب دل اعضاءکو خون مناسب مقدار میں فراہم نہیں کر پاتا تو نامردی ہونا یقینی بات ہے۔

2۔ ذیا بیطس: اس بیماری کی وجہ سے خون میں گلوکوز کی مقدار نارمل نہیں رہتی اور اعصاب بھی متاثر ہوتے ہیں جس کی وجہ سے تقریباً 50فیصد مریض نامردی کا سامناکرتے ہیں۔

3۔ موٹاپہ: موٹے لوگ دیگر مسائل کے علاوہ کولیسٹرول کا شکار بھی ہو جاتے ہیں۔ جس کی وجہ سے خون کی روانی متاثر ہوتی ہے اور نتیجتاًنامردی پیدا ہوتی ہے۔ 4۔ دیگر بیماریاں: ہائی بلڈ پریشر، اعصابی بیماریاں، ریڑھ کی ہڈی یا دماغی چوٹ ، الزائمر اور فالج بھی نامردی پیدا ہو سکتی ہے۔

5۔ پیرانہ سالی عمر بڑھنے کے ساتھ ساتھ دل اور دماغ کی صحت متاثر ہوتی ہے جس کی وجہ سے اعضاءکو خون کی سپلائی ماند پڑجاتی ہے۔

6۔ ذہنی دباﺅ: ذہنی دباﺅنامردی کی اہم وجوہات میں سے ایک ہے۔اس سے بچنے کے لئے ورزش کریں، نیند پوری کریں اور لڑائی جھگڑے اور غصے سے بچیں۔

7۔ ڈپریشن: یہ بیماری ذہنی دباﺅ کی شدید ترین حالت ہے اس کا اثر بھی شدید ہوتا ہے۔ ڈپریشن کی ادویات بھی نامردی پیدا کرتی ہیں ۔

8۔ فحش بینی: فحش فلموں میں دکھائے جانے والے غیر فطری اور غیر حقیقی مناظر نوجوانوں کے ذہن میں احساس کمتری اور کمزوری کا احساس پیدا کرتے ہیں جو انہیں نا مرد بنا دیتا ہے۔

9۔ گنجہ پن: ڈاکٹر مائیکل اروگ کا کہنا ہے کہ گنجے پن کی دواسٹرائڈ جنسی جوش میں کمی اور نا مردی پیدا کر سکتی ہے۔

10۔ سائیڈ افیکٹ: بعض ادویات کے سائیڈ افیکٹ میں نامردی بھی شامل ہے۔ان میں بلڈ پریشر کی ادویات اینٹی ہسٹامین، ذہنی دباﺅاور ڈپریشن کی ادویات شامل ہیں۔